tag:blogger.com,1999:blog-30867477931488790462011-11-27T16:39:40.981-08:00Mga butang nga may kalabotan sa mga bisaya!RADYOBISDAKhttp://www.blogger.com/profile/02752239313753972901noreply@blogger.comBlogger21100tag:blogger.com,1999:blog-3086747793148879046.post-69603098455650351442009-12-15T14:48:00.000-08:002009-12-17T07:18:08.526-08:00Akong Pinili<br />By Genamos_US of Washington, DC, USA<br /><br />Idayong ko ang imong kasingkasing dinhi kanako<br />Aron itangkil ko kanunay dinhi sa akong dughan<br />Dili ko buot ikaw mawala sa akong panan-aw<br />kay ako nahadlok nga ikaw mahanaw<br /><br />Ikaw ang akong kapalaran mga akong gidamgo sa kanunay<br />Ikaw ang akong kalibutan ning layaw kung hunahuna<br />Sud-unga kanang buwan sa kagabhion nga nigilaw sa kangitngit<br />Mao sab ang adlaw sa kabuntagon nga nagdala sa kahayag ug kadasig<br />Nga kanimo naglaum ang gugma tang walay kinutuban<br /><br />Mao kini ang tinuguan nga sa uban wala sila nasayod<br />Kay ang pagtugkad ning biyuos sa akong pagbati<br />Inanay sa pagbuklad aron mahimo kining gugma nga walay paglubad<br />Ikaw ang akong langit ning akong kinabuhi<br />Nga gatubo ning akong dughan<br /><br />Kay kining akong kalag nagalaum kanimo sa kanunay<br />Nga dili mo kini hikawan ang gugma tang gi-ampingan<br />Bisan pa kini itukmod sa ngilit sa pagsulay<br />Ikaw gihapon ang akong pinili<br /><br /><br />Ang kinabuhi<br />By Genamos_US of Washington, DC, USA<br /><br />Ang kinabuhi usa ka binilhon gasa nga gihatag gikan sa langit.<br />Kay kining kinabuhi nahimugma man gikan sa gugma ni Bathala<br />Wala ba nato makita ang matag sook nga napuno sa kinabuhi<br />Karon, kay dia naman kining gitawag nga kinabuhi nga nag-agad lamang sa<br />kaugalingon natong pagbuot<br />Dili nato usikan ang matag hagtok sa orasan sa pagbuhat ning atong mga<br />katuyo-an<br />Kay ang kinabuhi hamubo lamang.<br /><br />Ang kinabuhi susama sa usa ka hangin nga lumalabay lamang<br />Magpalingpaling sa iyang direksyon kung asa kini idunggo<br />Ang kinabuhi sumasa sab sa usa ka panahon nga naay tingtugnaw og hulaw<br />Naay panahon nga kita bati-on og kahaw-ang sa kinabuhi nga wala nato tuyo-a<br />Ngano man kaha kini usahay modo-aw ning kinabuhi?<br />Naa say adlaw nga kita naghikabhikab sa katahom ug tumang kamaya.<br />Pero kining tanan usa lamang sa mga lamas nga gisagol sa kinabuhi sa tawo<br />Aron sa pagtima-an nga naay usa Diyos nga atong gi-ampoan ug dangpanan.<br /><br />Ako, ikaw ug kita may kinabuhi.<br />Nga atong gihigugma og gi-ampingan sa kanunay<br />Kay kini nag-inusara og wala nay laing kinabuhi<br />Nga iholip pagbalik kung kini bawi-on sa kamot sa langit<br />Atong taga-an og higayon ang paggamit ning kinabuhi nga mabulokon<br />ug puno sa kalipay og paghigugma<br /><br />Mahinungdanon man o kaha walay pulos ang atong pagbati ning kinabuhi<br />Hinumdumi kini akong higala, nga kita namugna nga may katuyu-an<br />Aron ang kalinaw mokayap ngadto sa atong mga kasilinganan<br />Kanindot sa kinabuhi nga kita nagaduwa ilawom sa kahayag sa buwan<br />Nga ato pang nakita ang kahayag bisan pa kini giputos sa kangitngit<br />Ug sa laing bahin, ang mga bidlisiw sa haring adlaw sa sayong kabuntagon nga<br />nagpanughit<br />aron kadtong yamog inanay kining pad-on sa iyang katahom<br /><br />Walay makalimod nga ang kinabuhi napuno sa mga pangutana og katuyo-an<br />Kung unsa pa man ang atong katuyo-an ning atong dughan<br />Aron sa pag-ugkat sa katin-awan ning nagahasol tang galamhan<br />Dili nato matugkad ang ti-unay nga kahulogan sa matag unos sa kalisdanan<br />kay kining atong pangisip may utlanan<br />Ang kinabuhi napuno sa imahinasyon ug tam-is kining tagamtamon<br />kung kini ihangad ngadto sa langit sa walay pagduha-duha.<br /><br /><br /><br />Ang Kawayan<br />By Genamos_US of Washington DC, USA<br /><br />Sa akong paglingkod-lingkod sa ti-ilan ning dakong kawayan aron pagpahulay<br />nonot sa pagsubang sa haring adlaw<br />Akong nakita ang bidlisiw sa adlaw nihalok sa lunhawng mga dahon aron sa<br />paghatag og katahuran ning sayong kabuntagon<br />Ang hoyohoy sa hangin nag-iyahay sa paggakos sa matag dahon aron isayaw ang<br />iyang katahom.<br /><br />Kung imo kining sud-ongon ang mga dahon sa kawayan murag mga lusok sa mga<br />luha nga nangumbitay sa iyang puno-an.<br />Ug samtang kining akong huna-huna nagduhiraw og walay tumong kung asa<br />idunggo kining akong pangisip nga gidasig sa katahom sa palibot.<br /><br />Pero sa tanto nakong liraw napadpad kining akong mga mata sa mga tanaman nga<br />nag-alirong duol sa ti-ilan sa puno-an sa kawayan, nga nagyogpos kay wala<br />makatilaw sa halok sa kainit sa adlaw kay gi-agbayan sa mga anino sa<br />mabagang dahon sa ibabaw ning akong nahimotangan.<br /><br /><br /><br />Kahoy ko, Kaugma-on mo<br />By Genamos_US of Washington, DC, USA<br /><br />Sa akong pagdula-dula ning bukid kung gipuy-an dili halayo sa payag kung<br />natawhan<br />Nga akong nalantawan ang tambok nga panganod giduyan sa sabakan sa lunhawng<br />kabukiran<br />Samtang ang mga kalanggaman nag-iyahay og pagpasilong sa mga sanga sa abuhon<br />nga kahoy.<br />Nga kansang mga kaba-kaba padayon nagasayaw ibabaw sa mga bulak nga ilang<br />gipanipa-an.<br />Pagka-anindot paminawon ang mga taghoy sa kalanggaman nga gawasnon<br />naglupad-lupad ibabaw sa kakahuyan nga kansang bidlisiw sa haring adlaw<br />nag-uhap-uhap sa uluhan sa mga kahoy, nga gihabulan sa mga bagang dahon. Ug<br />samtang ang mga dahong laya padayon sa pagkalagas inubanan sa pagtayhop sa<br />huyohoy nga hangin.<br />Ug gipadpad padulong sa nagduka nga sapa nga kansang mga awit sa mga<br />kalanggaman og tingog sa dinaga-as nga tubig maoy akong nadungog.<br /><br />Ug sa akong kakapoy bunga sa akong paglingaw-lingaw nidalikyat ko sa<br />paglingkod aron pag-inum sa balon kung tubig aron tambalan kining akong<br />ka-uhaw.<br />Samtang akong mga singot padayon nagtabisay inanay kining gitayhopan sa<br />bugnawng og lab-as nga hangin.<br />Ako nakapanghupaw sa kamingaw sa palibot ilawom ning kahoy nga akong<br />gipasilongan nga ang gakos sa kalinaw padayon naga-uban.<br />Ug dili hilayo sa akong nahimotangan ang hanay sa mga kahoy nga among<br />gitamom ni Tatay<br />aron kini makatabang sa pagpugong sa mga dinahili sa bukid ug panagang sa<br />mga buswak sa uwan<br />Aron kadtong among umahan sa ti-ilan sa bukid dili kini matabunan nga mao<br />ray among gisaligan.<br /><br />Ug sa akong pagyanghag ngadto sa bakilid, akong nakita ang puno-an sa mangga<br />nga gipurong-purongan sa mga bunga ug gagmayng mga putot<br />Ka-anindot kining talan-awon kadtong mga kahoy nga gitanom namo ni tatay<br />modako og mahimo kining hingpit nga kahoy<br />Aron sa ugma damlag, amo kining mapuslan.<br /><br />Kung wala pa kining mga kahoy nga gitamon sa akong mga katigulangan.<br />Wala nasay kalambuan moabot ning among kabukiran kay sa ting-usbawan kini<br />gihikawan.<br />Busa kining kahoy ato gyud kining ampingan ug taga-an dakong bili ning atong<br />dughan.<br />Kay sa kahoy ko kini gisalig ang akong bugtong kaugma-on og natong tanan.<br /><br /><br /><br />Ang Bakak saGugma<br />By Genamos_US of Washington, DC<br /><br />Di ba kitang tanan mga bakakon, kay ang kamatuoran sa kagahapon kay mahimo<br />man kining bakak sa karon. Samtang kining mga suwat nahipatik og nahilagda.<br />Mao sab kining atong kinabuhi nahisulat man sa kamatuoran.<br /><br />Kung ang gugma nga atong gibati karon tuiga sa atong mga higala, diba lahi<br />man ang gugmang nga atong gibati niadtong niaging tuig. Kung dili man kini<br />tinood, daw usa kini ka bakak. Bisag pag atong itisok sa atong galamhan nga<br />kining atong buhing gugma kanunayng nagapitik.<br />Pero sa takna kini guroyon sa iyang kakapoy mahimo sab kining maluya.<br /><br />Dili nato matagna og malimod ang mga dagway sa kamatuoran ning nagalakaw nga<br />panahon. Madungagan og makuha-an man kining atong pagbati dili nga gyud<br />mahibalik ang kamot sa mga ni-aging adlaw. Bisag pag pugson pa nato ang<br />atong kasingkasing sa pagpugong sa dagway sa kausaban aron kining pagbati sa<br />kanunayng lab-as og walay paglubad. Ang tanan ning kalibutan may utlanan og<br />may kinutuban. Dili gyud kini mapugngan kay sa kausaban kanunayng hilabtan.<br /><br />Sud-onga kanang pagsubang sa haring adlaw sa sayong kabuntagon nga kansang<br />naglatagaw sa kasidlak og sa paglagbas ni-ining animo sa kilom-kilom nga<br />gihabulan sa kangitngit ang aping sa kahaponon, nananghupaw ang adlaw,<br />inanay sa pagkanaug aron sa paghatag og dakong pasigarbo sa kagabhion na<br />kansang kabitu-onan og ang buwan nagahari sa kalangitan. Mao sab kini ang<br />dagway sa kinabuhi naga-usab og naga-tuyok. Walay permanente kon dili<br />ka-usaban sa tanan.<br /><br />Mao sab kini ang atong gugmang gibati nahisama sa usa ka salapi naga-usab<br />ang balor pero naay bili. Samtang ang mga bulak sa tanaman, mangalawos ug<br />mangalarag pero sa paglabay sa mga adlaw mahimo kining mamowak pag-usab og<br />mahimong usa ka putot. Pero kung unsa pa man ang dangatan sa atong gugma nga<br />walay kasigurohan. Kay ang bakak sa gugma mao man ang dagway sa kausaban.<br /> <br /><br />Hingpit sa akong mga mata<br />by Genamos_US of washington, DC<br /><br />Ikaw ang akong bugtong gipangadoy ning akong dughan,<br />Nga ang langit maoy bugtong saksi, sa walay utlanan nga pagbati.<br />Walay laing babaye ning ibabaw sa kalibutan ang nagpukaw ni ining<br />nakatagpilaw nga kasingkasing.<br />Akong pangayo-on kanang imong kasingkasing ug iholip kanako kining akong<br />dughan<br />Aron mo ako mahisabtan ni akong kalibutan<br /><br />Dawata kini sa walay pagduha-duha kining akong gugma nga napuno sa<br />paghigugma<br />Akong nabasa sa imong mga mata nga ikaw gisapwang sa kasob-anan.<br />Buhi-i kanang mapait nga gakahapon og ayaw hatagi pagtagad ni-anang anino sa<br />pakyas mong kalipay.<br /><br />Kadtong lawum nga samad nga gibilin sa maluibon mong kagahapon bisag pa kini<br />mahimong usa ka uwat nga kansang ni badlis sa imong kasingkasing. Dili kana<br />mahanaw bisag kanu-a pa man. kay kana nahilagda sa kamot sa kinabuhi<br />Hikalimti kanang tanan, kay ako andam modawat kanimo bisag kanus-a pa man.<br /><br />Akong ipasalig kanang imong mga dungoyngoy, ako kanang hulipan sa kalipay og<br />katawa.<br />Kining tanan, akong gihalad sa langit nga kining tiunay kong pag-ampo sa<br />karon og unya kining tim-os kung gugma dili mo hikawan<br /><br />Malitok ko man ang tanang mga tam-is nga mga pulong para lang ikaw akong<br />ma-angkon<br />Walay sukod ang akong pagbati ko kanimo, inday.<br />Nga akong isa-ad ngadto sa langit kining akong gugma nga walay paglubad.<br />Bisan wala nako ni ining kinabuhi kay sa kamot sa kamatayon ako gipili<br />Ako kanunayng nagauban kanimo bisan pa wala nako sa imong kiliran.<br /><br />Ug sa kataposan sa tumoy ning kabalaka kining akong sinulat kung balak.<br />Akong ipahinongod kanimo lamang. Kay ikaw ang akong bulawanong kagahapon.<br />Ang akong gipangandoy na ugma. Ug ikaw ang akong karon nga nagdala og<br />himaya.<br /> <br /><br />Akong Higala akong hinigugma<br />By Genamos_US of Washington, DC<br /><br />Naay panahon na kita masulob-on.<br />Naay sab panahon na kita gisapwang sa kagul-anan.<br />Pero sa takna na ikaw akong makita, ikaw ang akong bugtong himaya<br />Og kining nagahasol na kabalaka, dali ra kining mahanaw sa akong huna-huna<br />kay sa imong tam-is na pahiyom kay kini pulihan<br /><br />Dili matokib kining pagbati na nisangko didto sa hawanan sa akong<br />kasingkasing.<br />Kay Ikaw ang akong kahayag sa ning sayong kabuntagon.<br />Ug ikaw sab ang silaw sa mga bituon ning kangitngit sa kagabhion.<br />Ikaw ang bul-og sa mga balod na nagdala kanako didto sa babayon sa gugma.<br />Ug Ikaw sab ang bugnawng hangin ang migakos kanako sa akong pag-inusara.<br />Ang imong mga katawa daw usa ka awit sa mga kalanggaman<br />Ug ang imong katahom daw usa ka haring bangaw na nibadlis didto<br />Sa langit.<br /> <br /><br />Gugma<br />By Genamos_US of Washington DC,USA<br /><br />Ang tinood na gugma bala-anon og walay utlanan.<br />Na naglagiting sa kainit ning atong dughan.<br />Walay maka-ugdaw sa nagdila-ab na kahayag<br />O kaha makausab sa mga tunob sa kapalaran<br />Bisan pa kini gihampas sa mga balod sa kalisdanan<br /><br />Ang tinood na gugma kahibalo mosangyaw sa mga tam-is na pulong.<br />Ug andam maminaw sa mga hagawhaw sa pagbati<br />Nganong atong hikawanan ang atong dughan sapag pa-ambit sa mga pahat ning<br />pagbati<br />Di ba angay kining bisbisan sa mga pag-amoma aron kini mulambo sumala sa<br />gitugon ni Bathala<br /><br />Di ba kining Gugma gipanday sa mga kamot sa langit na gikulit ning atong<br />dughan<br />Dili nato kini pasagdan ang nagdila-ab na pagbati na napalong lamang sa<br />dayon<br />Kon dili, Ato kinig sugnuran ug mga respeto, pagsalig ug pagsabot inubanan<br />sa hugot na pag-ampo ngadto sa langit<br /><br />Ug sa laing bahin, atong kining ihikling ang mga tunok sa pagsuway, kasilag,<br />pagdumot og kasakit ngadto sa kainit sa kalayo sa gugma<br />Kay dinhi ning kalibutan atong itisok ang binhi sa gugma aron kini motorok,<br />molambo, ug magahari sa atong dughan<br />Walay sukod ang kaanyag sa gugma kung mao kini ang magiya kanato sa paraiso<br />sa kalipay aron kita padayon ibanlas sa kadasig sa pagkigbugtaw ning<br />naglatagaw na kinabuhi<br /> <br /><br />Nasagmoyo nga Kagawasan<br />By Genamos_US of Washington-DC, USA<br /><br />Dili ba nindot paminawon, kung ang tanan tawo gawas-non nga<br />buhi ning kalibutan, nga walay mansa nga hulga sa pagsuway<br />Pero sa pagkatinood, kini bunga lamang sa atong mga pangandoy<br />Kay nasayod ang langit nga kini nahisukwahi sa atong mga damgo og sugo ni<br />Bathala<br /><br />Ka-anogon sa mga nangbanaw nga dugo sa atong mga katigulangan<br />Nga kinsang mga Bayani ato lang nahikalimtan<br /><br />Wala na ba nato madungog ang mga dangoyngoy sa mga pagdumot<br />Nga kansang kagawasan ila untang makab-ot pero gipugngan kini sa mga kalagot<br />Nalimot na ba kita, sa mga nindot na pagtulun-an nagibilin ning atong yutang<br />natawhan<br />Atong gipadayag ang mga tingog sa kagawasan nga kansang kusog og kahakog<br />giguyod sa langyawng mga kamot aron kita padayon lugpitan sa atong katungod<br /><br />Karon, hain naman kining kagawasan nga ato untang ipadayon<br />Nakawang lang ning tanan ang atong mga paningkamot nga kansang tingog wala<br />madungog<br />Nga ang kansang kagahapon napuno sa kalisdanan nga dili buot okayon<br />Dili ba kini usa ka kina-iya sa tawo na ang subrang gawas-non mosangko sa<br />utlanan sa kahakog<br />Nga dili nato ikalimod kining tanang pagsulay, sa kanunayng naga-uban sa<br />atong mga kalibog<br /><br />Mao naba kini ang gituho-an nga binhi sa kagawasan nga gusto natong itisok<br />ning atong dughan<br />Ayay, pagkasakit palandungon kining tanan, ang nada-ngatan ning atong<br />minahal na yutang natawhang kay sa kagawasan gihikawan<br />Wala ba nato nakita ning atong mga mata, nga atong gitugotan ang mga<br />adunahan nga musolbong sa pagkadatu gumikan sa mga panglimbong, panglupig og<br />kahakog sa gahum<br />Ug ang mga kabus ug timawa nga kansang nagpadayon, pagkuyanap ning kinabuhi<br />nahisama sa mga gapnod nagi-anod-anod sa dagat sa dakong kalisod<br /><br />Igo naba kini, ang atong nakab-ot nga kagawasan nga kita gibuhi-an sa mga<br />langyawng mga kamot<br />Nga kansang nangumbitay nga kagawasan wala pa mahinog kay atong gipogos sa<br />pagpu-po<br />Wala ba kita gilamat lamang, sa atong kaugalingon nga pagtu-o<br />Nga kita mobarog gawasnon, taliwala ning kalisdanan<br />Ug wala ba kaha kita gigapos sa atong mga kamot kining atong kaugalingon nga<br />mga kadugo<br />Nga susama sa mga langyaw na igo ra kanato nagpahimolos<br /><br />Ug sa walay pu-as ning akong kabalaka, ako naga-hilak og naga-ampo ngadto sa<br />langit na kining dughan ko napuno sa kasobo pulihan kini sa gugma kung<br />kalipay<br />Bisan pa kining akong nag-alindasay na kasingkasing gilunopan sa mga balud<br />sa kasagmoyo<br />Akong ipa-dayon sa pagsinggit pina-agi ning sinulat kung balak para<br />kaninyong tanan akong ipa-ambit<br />Ang pagpakahilum dili kini maoy tubag na makatabang aron magkab-ot kining<br />idlas na kagawasan sa hingpit na katumanan<br />Kon dili, ang inyong walay usik na pagpakabana nga maoy akong bugtong<br />suka-ranan sa akong himaya<br />Kay ang tinood na dalan sa kagawasan naggikan kini sa atong tagsa-tagsa ka<br />mga dughan<br /><br /><br /> <br />Silaw sa Adlaw<br />By Genamos_US of Washington DC.<br /><br />Akong nabatyagan ang hangin nihapa sa tin-aw na tubig<br />Ug ang silaw sa adlaw nisi-aw sa pagsayaw sa nag-umbaw na tulay<br />Ug didto nako na-aninag ang silaw sa imong mga mata.<br /><br />Daw usa ka handurawan na dunay nagpahipi na bag-ong tilimad-on<br />Kung ang batonaw mahilis mahimo kining usa ka tubig<br />Ug ang kainit sa huwaw mo-abot aron kini atong gugma<br />pahinogon sa katam-is.<br /><br />Kaanindot sud-ongon ang mga bulak sa tanaman nagmaya sa tumang kalipay<br />Kay ang hangin sa imong mga halok nidagpis sa akong mga ngabil.<br />Kausa, Kaduha og walay puas ang iyang utlanan. Kay dili lang ikaw ang<br />nagdala ug silaw sa tim-os kung Gugma. Ug ikaw sab ang nag-inusarang haring<br />adlaw nagdala sa kainit ning akong dughan og sa akong nagbinugtong na<br />kinabuhi.<br /> <br /><br />Ikaw<br />By Genamos_US of Washington, DC<br /><br />Sa akong pag-inusara, didto sa akong lantawan. Akong nakita ang nagsubo na<br />berding bukid na gipayongan sa mga baga na panganod. Didto nagsugod<br />pagbisibis ang uwan sa kagahapon na ni subay sa dalan sa akong huna-huna.<br />Akong gi-ablihan ang gangha-an sa akong galamhan aron kini buhi-on pag usab<br />ang nahikatulog na pagbati.<br /><br />Lab-as pa kanako sa akong panumduman kining tanan. Na ang una natong<br />panagtagbo, akong nabatyagan ning akong dughan, na kita gilamat lamang sa<br />mga anino sa gugma. Dinhi nagsugod ang dili matukib na pagbati. Daw Maoy<br />naghatag kanako og kainit ning akong dughan.<br /><br />Imo kining gidasig ang akong kasingkasing sa kamaya. Ug Imo kining gipuno sa<br />kalipay sa wala tuyo-a na panag-abot sa duha natong ka mga mata og sa kalit<br />ka nipahiyum na daw ang atong duha ka mga mata nag-abot sa tumang<br />kahibolong.<br />Samtang nagsud-on ko sa imong panagway. Akong nakita na daw gikulit ang<br />imong mga tam-is na pahiyom, ang sidlak sa imong madanihon na mga mata,<br />ngabil na tumang kapuwa og aping daw usa ka Macopa.Kining talagsa-on na<br />higayon dili bu-ot palabyon. Ug Sa walay panaghid akong gihikap ang imong<br />mga kamot daw usa ka duldol, na homok hikapon.<br /><br />Karon, dili naman nako mapugngan ang paglabay sa panahon. Daw lab-as pa sa<br />akong panumduman kining tanan. Labi na katong mga tunob sa kalisdanan na<br />nihulga sa pagbu-ak ning atong bala-an gugma. Bisag unsa pa man mga unos<br />niabot ning kinabuhi, ikaw gihapon ang akong nag-inusarang pagbati na<br />gimahal og gipakahari. Akong gipana-ad sa langit, kining nagkaopos na<br />kinabuhi na dili nako hikalimtan sa akong handumanan ang imong pagka-ikaw.<br /><br /><br /><br />Yamog sa Kabuntagon<br />By Genamos_US of Washington, DC, USA.<br /><br />Ang adlaw nisubang sa katahom ning sayong kabuntagon<br />Na gilibutan sa nagduka nga puti ug bughaw nga mga panganod<br />Ang bidlisiw sa haring adlaw nag-aginod sa pagpandong sa lunhawng kabukiran.<br />Akong nabatyagan ang huyohoy sa bugnawng hangin nga nidagpis sa akong panit<br />Ug ako gipugos ang akong kaugalingon sa paghanggap sa lab-as nga hangin, nga<br />dala ang kahumot sa mga bulak og tanaman, labi na ang mga alisngaw sa yuta<br />nga bag-ong gibugkal ug gibisbisan sa mga taligsik<br /><br />Samtang ang mga awit sa kalanggaman nga kansang tingog mao ray akong<br />nadungog.<br />Akong gipiyong akong mga mata aron ipadayon sa pagpaminaw sa dinago-ok sa<br />mga balod nga nitapya ning akong dung-gan<br />Nikonsad sa akong hunahuna ang mga panagway sa mga bata nga nagmaya<br />nangaligo ug nagkalingaw naga-dula sa mga bonbon ngadto sa sabakan sa daplin<br />baybayon<br />Kanindot paminawon ang ilang mga inagiki sa ilang mga katawa nga walay<br />gamayng lama nga suliran sa kinabuhi.<br /><br />Ug sa laing panid ning akong nagdurilaw nga hunahuna, akong na-aninag ang<br />mga nisarasay nga balud nga nagdali sa paghalok ngadto sa puting baybayon na<br />gikalingawan sa paggukod sa mga bata.<br />Ug sa akong pagmata akong nabatyagan ang nilabay nga kainit sa adlaw, akong<br />nakita ang abuhon nga payag halayo sa akong panan-aw, nagipandungan sa mga<br />bukton sa dagkong kahoy Nga kansang mga dahon nagmadasigon sa pagsayaw<br />dungan sa pag-oros sa tingog sa hangin og hampas sa mga balod. Ka-anindot<br />paminawon kining talan-awon nga ang kansang palibot napuno sa kamingaw og<br />abunda sa kalinaw nga kansang panagway sa nindot nga kabuntagon lisod kini<br />palabyon<br /><br /><br />Linghod na Gugma<br />By Genamos_US of Washington DC<br /><br />Ang gugma may pasinsiya<br />Ang gugma sab naay kalooy<br />Mao sab kini ang akong gibati kanimo<br />Daw walay makalumpag bisag kilumsan sa pagsuway<br /><br />Ang mga kutay sa kalisdanan dili buot ikahintapan<br />Bisag ang mga uwat sa kasakit dali ra kining mahanaw<br />sa pagdulhog ning panahon kay sa gugmang hilabihan kini gipugngan<br />Ang balud sa kahadlok imo kining gibugsay sa imong mga halok<br />Ug ang mga tun-og sa kahigwa-os imong gihabolan sa kainit nimong gakos<br /><br />Mag-unsa nalang ang kinabuhi kung wala ka sa akong kiliran.<br />Na andam mosakiyo sa unos sa mga kabalaka.<br />Bisag sa atong kalinghod sa gugma wala ta mag-inusara<br />Kay sa tim-us tang gugma gihimo kitang usa ra.<br /><br /><br />Ang Pangadoy Sa Ginikanan<br />by Genamos_US of Washington, DC USA<br /><br />Sa linghod kung huna-huna sa akong pagkabata, niadtong nilabay nga<br />katu-igan.<br />Akong gipangadoy nga makatapos sa akong pagtu-on aron maka-abag sa akong<br />ginikanan og igsoon.<br /><br />Toud man sa paglabay sa panahon kini hingpit kung natuman kay sa akong<br />paningkamot, pag-ampo og kakugi akong napuslan.<br />Dili ma-ihap sa akong panumduman kung pila katagak sa singot og lusok sa<br />luha nga nibanlas sa akong panagway.<br />Dili sab maihap ang mga adlaw sa akong paningkamot nga ako nangandoy kung<br />kanus-a mosalumsom ang adlaw aron sa pagpahulay.<br /><br />Ni-irog ang adlaw, ug ang tuig nanglagas ug akong kinabuhi niusbaw ug may<br />kakulangan.<br />Ug sa kalit nasab nisi-aw sa akong hunana, Nga nangandoy sa laing hugna sa<br />akong kinabuhi aron sa paglaraw sa kaugmaon aron kini idugang sa katam-is og<br />kalipay sa akong kinabuhi.<br />Tu-od man sa akong pagpamilok. gidungog sa langit ang tingog sa katumanan<br />ang damgo sa akong kinabuhi.<br /><br />Samtang naglakaw ang mga adlaw, akong nakita ang nagtubo nga mga bata sa<br />ilang kinabuhi<br />Ug ako padayon sa pag-obra sa ilang mga kaugma-on ug gihikling ang tumang<br />kakapoy aron sa pagpadayon sa pagpalimbasog.<br />Kung kanus-a idunggo kining akong pangandoy, wala ko masayod kay ang bugtong<br />langit lamang ang nasayod.<br />Dili nako mapugngan ang pagdahili sa akong luha kay ang tutaligsik sa ilang<br />mga panagway nga nagmaya ug walay igong kasayoran kung kanus-a mo-uwan ang<br />kamatuoran sa akong mga damgo.<br />Kung bawi-on man ni Bathala ang akong kinabuhi sa walay pananghid. Ug sila<br />wala maka-andam sa pagdawat ang ka-aslum sa kamatuoran aron hukasan sa ilang<br />pagkalinghod ug mahigmata sa ilang kahuyang.<br /><br />Sa nagka-upos ning pabilo sa akong kinabuhi ug kadtong mga sa-ad og damgo<br />nagpaabot sa ilang katumanan. Ako, nahigmata kay nakalimot sa paghanggap sa<br />kaugalingong kung kalipay.<br />Bugtong himaya ning akong dughan sa kanila mahinomduman kadtong mga kidlap<br />sa mga panghitabo nga sa among panag-uban, sa mga katawa og kalipay og<br />kasakit, ug sa mga matag-inagiki sa mga pasi-aw. Dili unta nila hikalimtan<br />ang pagsiksik sa mga bulawanon pagtulon-an, ug mga maayong buhat, ug<br />panag-ingnan ug sulondong kina-iya aron ipadpad ngadto sa tul-id nga dalan<br />aron sa paghimaya sa ngalan ni Bathala aron mouban ang grasya ug kalooy nga<br />ilang mabatonan ang kinabuhing haruhay,malinawon ug napuno sa paghigugma<br />aron mahilikay ug dili madimdim nila ang apdo sa kalisdahan ug pagsuway.<br /><br /><br /><br />Ang Pana-ad sa Gugma<br />By Genamos_US of Washington, DC, USA<br /><br />Imong gihikap ang akong kamot<br />Ug atong duha ka mga mata nanag-abot nga wala tuyo-a<br />Imo kung gitutokan ug akong kasingkasing<br />Nag-alindasay sa pagpitik nga walay pu-as sa kakusog<br /><br />Akong gisubay ang matag badlis og kurbada sa yano mong panagway nga gikulit<br />ni Bathala<br />Gianod mo ako, sa pagpaduol dinha kanimo kay gilamat sa gilak sa imong<br />panan-aw.<br /><br />Akong nabasa ang mga pagbati natong duha kay sa gugma kita gi-amoma<br />Ug sa walay pananghid sa kalit ikaw akong gibugkusan ning akong mga bukton<br />Aron sa paghatag og katahuran sa init kung mga gakos<br />Ug ikaw nagpauraray susama sa mga balod gawasnon nga gitapya sa mga hangin<br />padulong sa babayon<br />Ug sa pagdunggo sa imong nawong dinhi sa akong dughan.<br />Nitulo ang mga luha sa kalipay nga nisubay sa imong mga aping.<br /><br />Imong nadungog ang mga awit sa gugma nga padayon nagmaya sa lawak ning akong<br />kasingkasing<br />Akong gihagawhaw kanino hadu-ol sa imong dung-gan ang mga pulong sa gugma<br />nga dugayng nakong gitapigan sa akong pag-inusara<br /><br />Akong gipanumpa sa langit og gisa-ad kanimo nga ikaw ra ang akong higugma-on<br />hangtod sa akong kamatayon.<br />Ani-a ako,nga andam mopangga kanimo og alagaran ta ning gugmang walay<br />utlanan.<br />Akong gipangdoy ning kinabuhi nga ikaw akong ika-uban hangtod sa atong<br />katigulangon.<div class="blogger-post-footer"><img width='1' height='1' src='https://blogger.googleusercontent.com/tracker/3086747793148879046-6960309845565035144?l=bisdakblog.blogspot.com' alt='' /></div>RADYOBISDAKhttp://www.blogger.com/profile/02752239313753972901noreply@blogger.com17tag:blogger.com,1999:blog-3086747793148879046.post-78010553773366451972009-12-08T18:09:00.000-08:002009-12-08T18:20:46.187-08:00<span style="font-weight:bold;">Mga Bisdakerz,<br /><br />Gipahamtang karon ang "Balaud Militar" kon Martial Law sa Maguindanao, nunot sa nahitabong pagmasaker sa mga kaatbang sa pulitika sa mga Ampatuan clan sa naasoy nga dapit sa Mindanao.<br /><br />Tungod sa maong pagpakaanog ni President Gloria sa maong declarasyon, nabuak buak ang mga katawhang Pilipino kon sakto o sayup ba ang maong pamaagi sa Presidente sa pagsulbad sa maong problema.<br /><br />Isip bsidakerz, ug usa ka Pilipino, unsa may imong huna huna niini?<br /><br />Abai Rolly</span><div class="blogger-post-footer"><img width='1' height='1' src='https://blogger.googleusercontent.com/tracker/3086747793148879046-7801055377336645197?l=bisdakblog.blogspot.com' alt='' /></div>RADYOBISDAKhttp://www.blogger.com/profile/02752239313753972901noreply@blogger.com4